હું રડું છું એ જ કારણથી હવે ,

હું હસું  તો એને કેવું  લાગશે  ………………..અદી મિર્ઝા 

વાંસના પોલાણનું  સૈકાઓ  જૂનું મૌન છું ,

વાંસળીની જેમ તું વાગી મને ભરમાવ ના  ………અશરફ ડબાવાળા 

નથી  બે  ગજ  ધરાથી  કંઈ  વધારે  માનવી માટે ,

ખબર છે તો ય એ  તરસ્યા કરે શાને ભવન માટે ?  ……આતિશ પાલનપુરી 

પંખી ક્યાં ? આકાશ ક્યાં ?

પીંછું   બસ   છે    હાથમાં  ………..કમલ વોરા 

કેવા  અજાણ  થઈને  નિહાળે છે લોક સૌ 

કોઈના દુઃખને જયારે સમજવાનું થાય છે  ……ગુલામ અબ્બાસ 

પાપનાં ને પુણ્યના શું કામ એ કલ્પાંત છે ,

સ્વર્ગની ને નરકની સરખી સજા દેહાંત છે  ……….ચિનુ મોદી ‘ઈશાર્દ ‘

તરસથી  વધુ  જે  પીએ આ જન્મમાં ,

બીજા જન્મમાં એ જ ‘ચાતક‘ બને છે  ………….દિલીપ રાવળ